Sangai Festival pualin Manipur sorkarin half-holiday puang

Manipur sorkar chuan an state-a Sangai Festival hman mek pualin, vawiin leh naktuk hi half-holiday ah a puang.

Chief minister N Biren Singh chuan Pathianni khan sorkar thuchhuak hi puangin, state mipuite chu Festival of Oneness tia sawi, Sangai Festival chu heng ni hnih chhung hian chhim vek turin a ngen. Tourist hub ni tura an hmalaknaah hma an sawn zel thu a sawi bawk.

CM Singh chuan, "Ram chhungah pawh Sangai Festival chuan hriat a hlawh chho zel. Kum danga kan la hman leh zel turah pawh ram hruaitute bakah, state hrang hrang leh ram pawn aṭangin perfomer leh artist-te pawh an tel kan beisei a ni," a ti.

Pathianni khan Madhya Pradesh chief minister Shivraj Singh Chauhan chuan Sangai Festival hi a chhim a, thu sawiin an state-ah pawh festival hi buatsaih ve turin a sawm a ni.