Tripura : Ganja chinna hmun zawnchhuah nan drone hmang dawn

Tripura chief minister Dr Manik Saha chuan state chhunga dan phal loha ganja chinna hmunte zawnchhuah nan drone hman a ni dawn tih a sawi.

Chief Minister chuan, "Ram hnuaiah leh tlang lamahte hriatchhuah mai harsa tak takah ganja chinna hmun te hi an siam. Heng hmun zawnchhuah hna hi drone technology hmangin neih a ni dawn," tiin, ganja chinna hmunte chu tihchhiat zel a nih tur thu a sawi bawk.

Dr Manik Sabha chuan tun hnaia Agartala-a DGP-IGP Conclave neihah, force hrang hrang hotute chuan ruihhlo tawlhrukna kawngte dap chhuah a, ruihhlo do beihpui thlak zel an rel a ni, a ti. Ruihhlo do hna chak zawka kalpui a nih theihna turin DGP level leh SP level meeting pawh neih fo an rawt bawk tiin a sawi.