Sikkim eptu party-in ‘Sikkim Bachao Abhiyan’ nei ṭan

Sikkim-a eptu party, Sikkim Democratic Front (SDF) chuan chief minister Prem Singh Tamang kaihhruai sorkar rorel dan dik lohna pholanna turin ni 50 awh ‘Sikkim Bachao Abhiyan’ (Save Sikkim Campaign) chu Thawhṭanni aṭang khan an nei ṭan.

Save Sikkim Campaign hi SDF president, chief minister hlui Pawan Kumar Chamling chuan Rongly khuaah hawngin, party worker tel an ṭhahnem hle.

Pawan Chamling chuan rorellai, Sikkim Krantikari Morcha (SKM) chu kum 2019 assembly inthlan neih dawna state mipuite hnena an thil tiam chu 1% pawh a tihhlawhtling lo a ni, a ti. Rorellai party-ten kawng hrang hranga hna an thawh ṭhat loh zia pholangin, ni 50 chhung chu state chhung hmun hrang hrangah kea kalin 'padayatra' a neih tur thu a sawi.