TMC-in Assam cabinet thutlukna siam bawhzui dan tarlan phut

Assam Trinamool Congress chuan chief minister Himanta Biswa Sarma kaihhruai sorkar-in state chhung hmun hrang hranga cabinet meeting an neih a, an thutlukna siamte bawhzui leh kalpui a nih dan tarlang turin an phut.

Assam TMC media department chairperson Dilip Kumar chuan kum khat leh a chanve liam ta chhungin state sorkar chuan kartin Dispur-ah meeting an neih bakah, state chhung hmun dang leh state pawnahte meeting an nei ṭhin a ni, a ti. Mahse heng meeting-a thutlukna an siamte an bawhzui dan hi state mipuite chuan an hre lo a, eng angin nge an kalpui tih report turin sorkar chu an phut tih a sawi.

Nikum September thla khan state cabinet hian a vawi khatna atan Guwahati pawn lamah cabinet meeting hi neiin, September 30 khan Dhemaji-ah an meeting a ni. Hemi hnu hian Bongaigaon leh Haflong-ahte meeting a nei a, tun karah Silchar-ah an nei leh ang. Hei bakah hian November 23 khan a vawi khatna atan New Delhi-ah state cabinet meeting hi an lo nei tawh bawk.