Tripura : BJP-CPIM intihbuainaah mi 1 a thi

Tripura-a Sepahijala district-a Charilam area-ah rorellai BJP leh eptu pawl, CPI-M worker-te intibuaiin, buaina chhuakah hian mi pakhat a thi a, mi dang eng emaw zatin hliam an tuar.

CPI-M party hian Chari­lam market area-ah inkhawm an buatsaih a, hetih lai vek hian market area-ah hian BJP worker-te chu an party office kawtah an pungkhawm bawk. Party pahnih worker-te hi ṭawngkama intawngin, a hnuah lung leh hmanraw dangin an inbei zui ta a ni.

BJP worker-te hian an bei hmasa zawk nia sawi a ni a, CPI-M lam hian bei let ve nghalin, party pahnih worker eng emaw zatin an lu ah hliam an tuar. Hliam tuar zingah hian CPI-M MLA Bhanu Lal Saha pawh a tel. Buaina chhuaka hliam tuar zinga pakhat, CPI-M worker Sahid Miah chu GBP hospital panpui a nih hnuah a hliam tuar loin a boral a ni.

Buaina chhuahna hmunah hian police leh TRS jawan-te tirh an ni. Police-te chuan crude oil bomb tihpuah a nih avangin mi tam takin hliam hi an tuar phah niin an sawi.