Itanagar-Imphal direct flight siam tum

Itanagar, Arunachal Pradesh leh Imphal, Manipur inkarah direct flight service tir tumin inbiakna neih mek a ni.

Manipur-a Sangai Festival hmanpuitu, Arunachal Pradesh chief minister Pema Khandu chuan Manipur chief minister N Biren Singh nen Itanagar-Imphal direct flight siam chungchang hi an sawidun tih tarlangin, service tir thuai theih a nih a beisei thu a sawi bawk.

AP CM chuan Sangai festival chuan inkalpawhna ṭha zawk a awm chuan hmarchhak bialah tourism kaltlangin economy lamah an hlawkpui thei dawn tih a sawi. Manipur-a Sangai festival chuan Manipur chauh ni lo, hmarchhak pum inlungrualna leh inpumkhatna a thlen a ni, tiin a sawi bawk.