Meghalaya : NIA special court-in HNLC hruaitu 4 ko

National Investigation Agency (NIA) special court, Shillong chuan dan pawna hnawl, Hynniewtrep National Liberation Council (HNLC) hruaitu pali chu nakkum January 4 hma ngeiin court-a inlan turin a ko.

NIA hian HNLC hruaitu Bobby Marwein, Marius Rynjah leh Sainkupar Nongtraw-te a kohna hi tualchhung chanchinbuah a tichhuak a ni.

NIA hian kum 2020, December 12-a East Jaintia Hills-a bomb puak kaihhnawihah HNLC hruaitu palite lakah hian charge sheet a thehlut a, Ningani khan NIA court-ah an inlan loh avangin chanchinbu kaltlangin inlan turin a ko nawn leh a ni.

HNLC hi Khasi Hills region-ah an chetla ber a, state khawpui Shillong-ah pawh ṭum eng emaw zat pawkhawihna an thlen tawh.