IAF-in hmarchhaka Chinese drone chetdan thlithlai

Indian Air Force (IAF) chuan hmarchhaka Line of Actual Control (LAC)-a Chinese drone-te chetdan chu uluk takin an thlithlai reng tih an sawi.

Report chuan hmarchhaka India ramri kaltlangin, Chinese drone-te hi India ram chhunga rawn thlawh luh tir tumna a awm fo niin a tarlang. Hei vang hian IAF chuan radar network hmangin Chinese drone-te thlawh tir an nih dan hi an thlithlai reng a ni.

Defence lam chuan ramri boruak hi a muanawm a, mahse eng emaw changa LAC lama Chinese drone thlawk a awm ve leh ṭhin. Hei vang hian frontline airbase-a IAF fighter-te pawh a ṭul dan anga che chhuak tura inralrin tir reng an ni tih an sawi. China lam hian drone emaw, aircraft emaw hmang hian dan kalhin India ram boruak chinah an rawn thlawk lut tur a ni lo, an ti.