APPSC-in dem a hlawh

Arunachal Pradesh Public Service Commission (APPSC) chuan exam a buatsaih chung-changah nasa tak dem a tawk leh a, an exam question paper vangin mi tam takin an sawisel nasa hle.

Pathianni khan APPSC pre­liminary exam buatsaih a ni a, post 105 inchuhin candidate 22, 599 lai an exam tih report chuan a tarlang.

Exam zawh a nih hnu lawk hian he exam chhangtu mi tam tak chuan an zawhna dawn chu nasa takin an sawisel nghal a, an zawhna siamah tihsual nasa takin a awm thu an sawi.

General studies zawhna pakhatah chuan independent high court nei ṭhah Orissa, Sikkim, Himachal Pradesh leh Manipur zingah hian khawi berin nge independent high court nei lo tih a awm a, hei hi nasa takin an sawisel nghal a ni.

Public Administration (PA) subject thlangtute phei chuan an zawhna dawn chu an sawisel nasa zual hle a, zawhna awm zinga 50 tih loh chu Union Pub­lic Service Commission 2008 exam question paper ami a nih thu an sawi a, zawhna 55 lai Pakistan civil examination body 2000 question paper aṭangin an lachhawng bawk a ni, an ti.

PA subject thlangtute chuan APPSC chu zawhna zawtin Indian vek an nih laia Pakistan Civil Service question an la­chhawng daih chu mak an tih thu an sawiin, India mi vek kan ni a, India danpui leh inrelbawl dan zulzui a syllabus siam a nih laia Pakistan Civil Service question hi eng vanga min chhan tir nge an nih? an ti a ni.

Exam chhangtute chuan subject inang mah se ram pa­hnihte syllabus hi a danglam hle a, exam pattern pawh a danglam hlawk a ni, an ti.