MCSCC Exam 2016 Chhui chiang turin Panel din

Manipur High Court chuan sawisel hlawh tak Manipur Civil Services Combined Competitive Examination, 2016 chhui chiang turin member pahnih awmna committee a din.

Yumlembam Surjit leh midang 21 te petition thehluh bawhzuiin justice Kh. Nobin Singh-a kaihhruai bench chuan thuchhuah hi an siam a ni.

Bench thuchhuah chuan petition pahnih, W.P. (C) No.803 of 2016 leh W.P. (C) No.817 of 2016, October 13-a thehluh tawh bawhzuiin Gauhati High Court retired judge leh member dang pahnih awmna tur committee din a nih thu a sawi a, anni hian MPSC-in MCSCC 2016 exam a buatsaih dan leh result a siam dan a thil fel tawk lo awm nia sawi chu zirchiangin an chhui chiang dawn a ni, a ti.

Thubuai thehluttute hian RTI dan hmangin thubuai hi an thehlut a, answer script tam takah supervisor leh examiner signature a awm lo niin an sawi a, examiner pakhat chauhin a enfiah turah examiner hrang hrang signature a awm niin an sawi bawk. Hei bakah hian mark belhkhawm chungchangah pawh thil fel lo tam tak a awm niin an sawi a ni.

HC chuan MPSC chu committe ṭanpui tur hian an theihtawp chhuah turin a ti a, an tana room hran buartsaih turin a ti bawk. Court-a an in ziahluh hian committee te hlawh tur Rs. 50, 000 chu advance-a pe turin a ti bawk a ni.