Tripura-ah Rohingya raltlan 8 man

Tripura West Tripura Dis­trcit-a Khayerpur Bazaar-ah Nilaini khan police-ten Rohingya raltlan pariat an man.

Superintendent of Police (Police Control) Pradip De chuan an mi man te hi Rohingya raltlan nia an insawi thu a sawi a, United Nations High Commissioner for Refugees (UNHCR) te pekchhuak ṭhin refugee card pawh an kawl niin a sawi.

Official thuchhuah chuan heng an mi man te hi zawhna zawh mek an nih thu sawiin, Khayerpur police te kutah an awm mek niin a sawi bawk.

An mi man zinga mi Md. Ansarulla chuan Jammu aṭanga Guwahati kaltlanga Tripur-a kal an nih thu a sawi a, Burma ram hi kum riat kalta khan an chhuahsan daih tawh thu a sawi. Ansarulla chuan helai hmunah hian hna a awm nia thu an dawn avanga kal an nih thu a sawi bawk a ni.

Sub-Divisional Police Officer (Sadar) Druba Nath chuan an mi man tak te hi Khayerpur bazaar-a an khawsak danah rinhlelh an nih avanga man an nih thu sawiin, Passport Act hnuaiah complaint pawh thehluh a nih thu a sawi.Nimin khan Agartala local court-ah hruai nghal an ni.

Tripura-ah hian September thla khan Rohingya raltlan pali chu Khiwai district-a Teliamura railway station-ah an lo man tawh bawk a ni.