NSCN-IM mi ten Assam-ah silai hmetpuak

Naga helpawl, National Socialist Council of Nagaland (NSCN-IM) mi leh sa ni ngeia rinhlelhte chuan lungalhthei laichhuaktu company work­shop, Assam-a Tinsukia district-ah silai hmetpuakin motor an kap alh niin Assam police thuchhuah chuan Nilaini khan a sawi.

Police thuchhuah in a tarlan danin ralthuam keng mi 25 te chuan Thawhlehni zan dar 9 vel khan Ledo area-a company workshop hi luhchilhin silai hi an hmetpuak chiam a ni. CCTV footage aṭanga a lan danin dumpert truck leh water tanker motor pali lo ding te chu an kap a, an kap alh nghe nghe a ni.

Chanchin an hriat velah Assam police te leh paramilitary force te chu a hmunah hian an tlan nghal a, misualte erawh hi chu an insaseng hman thu Tinsukia Superintendent of Police Mukdhajyot Mahanta chuan a sawi.

Pawikhawihtute zawn hna hi kalpui mek a nih thu Ma­hanta chuan a sawi bawk.

Henglai area-ah hian NSCN-IM leh NSCN-K te chuan pawisa an phut avangin buaina an thlen ṭhin niin Police te chuan an sawi a ni.