SC-in December 31-a NRC Draft puangzar turin a ti
Supreme Court chu Ningani khan thuchhuah siamin Assam sorkar chu National Register of Citizens (NRC) draft chu December 31-a puangzar turin a ti.
SC chuan NRC draft puangzar hun atana July 2018 thleng pawtsei tura ngenna chu hnawlin, Assam sorkar chu Decmeber 31 zanlai ral hma ngeiin hming vaibelchhe 2.38 awmna NRC draft chu puangzar turin a ti a ni.
Official thuchhuah chuan mi vaibelchhe 2,38 ziahluh tawh zingah hian nuai 38 chu la enfiah leh tur a ni a, hemi a nih avang hian thawktu pawh an mamawh belh dawn niin an sawi. Assam NRC hi sorkar laipui, state sorkar leh an agency te buatsaih a ni.
NRC draft puanzar hun titlai tura ngenna chu hnawlin Justice Ranjan Gogoi leh Justice Rohinton Fali Nariman te kaihhruai bench chuan Attorney General K.K.Venugopal-a'n December 31-a puanzar a nih chuan buaina tam tak a chhuak dawn nia a sawi pawh an pawm sak lo a ni.