Dimapur-ah ruihhlo Rs vbch 1.76 man hu tiral

Dimapur district Excise (Narcotic cell) te chuan Nilaini khan Excise Directorate, Dimapur-ah an ruihhlo man cheng vaibelchhe 1,76 man hu tur vela chhut chu an tiral. Heng an ruihhlo tihral te hi November 2016 leh October 2017 inkara an man te a ni.

Excies (Narcotic Cell) Superintendent Phyobemo Lotha report in a tarlan danin opium gram 700, heroine gram 50, brown sugar gram 429, ganja kg 501, am­phetamine mum 3200, spasmo proxyvon capsule 40,913 leh khuh damdawi bottle 881- te chu Nilaini khan tihral an ni a, heng an ruihhlo hal te hi cheng vaibelchhe 1,42 hu vel a nih thu an tarlang.

Heng bakah hian IMFL bottle 16, 278 leih buak a ni bawk a, heng zinga bottle 4, 831 te chu Excise Deputy Commissioner office man a ni. Zu an leihbuak hi cheng nuai 34 man hu a ni bawk.

Dimapur Superin­tendent of Police T. Ari­long Longkumer chuan November 2016 aṭang khan zu case 570 ziah luh a nih thu leh drugs case pali ziah luh a nih bawk thu a sawi a, ruihhlo vanga sum an chawi tir aṭangin hemi hun chhung hian cheng nuai 14.13 hmuh a nih thu a sawi.