Meghalaya : ECC-in lungawi lohna lantir dawn

National Green Tribunal (NGT) in Meghalaya-a dan loa coke plant dinte laka action lakna tur siam tura a hrilh ang zawm lohah Meghalaya sorkar puhin, Environment Coordination Committee (ECC) chuan December 15 hian lungawi lohna lantir an tum.

ECC hian East Jaintia Hills district-a Elaka Sutnga-a coke plant din duh lohna hi an lo lantir fo tawh a ni.

December 15 hian Khliehriat-a Shi-kilo (1 kilo) aṭangin Deputy Commissioner office thlengin kawng an zawh ang.

Kumin July 8 khan NGT Eastern Zone, Kolkata chuan ECC-in Elaka Sutnga-a coke plant din chungchanga thubuai a thehluh bawhzuiin, Meghalaya sorkar chu Meghalaya State Pollution Control Board (MSPCB) kaltlangin, Consent to Established (CTE) nei loa din unit-te hnenah sum chawi tir turin a ti a, an sum chawi tur hi Rs vbc 5.5 a ni. Consent to Operate (CTOs) nei loa coke plant dinte lakah action lak dan tur siam turin state sorkar a ti bawk. State sorkar chu action plan siam tur leh, an sum chawi turte tifel tur hian thla li hun a pe a ni.

ECC legal adviser Reading War chuan NGT in thla li hun a pek chhungin Meghalaya sorkar engmah hma a la zui lo niin a sawi.