Assam-a inbeihnaah ULFA-I mi pakhat thi

Assam Udalguri District-a inbeihnaah Zirtawpni khan United Liberation Front of Assam (ULFA-I) hel pakhat thah a nih thu defence thupuangtu chuan a sawi.

An thuhriat bawhzuiin Red Horns Division leh police ṭang­khawp chuan Udalguri district-a Khoirabari thingtlang khuaa in pakhatah firfiak mi panga awmhmun khuarin chhungkaw member te pawh an man a. Security force te chuan helte hi beiin, an zinga mi Rajen Deka chu an that a ni.

Official te chuan Deka hi an pawl hotu a nih thu an sawi a, midang pali erawh an tlanchhe hman a ni. Chhungkua an man te pawh an chhanchhuah thu defence thupuangtu chuan a sawi.

Deka hian kum 15 kalta khan he pawl hi a zawm thu sawi a, Deka ruang bulah hian AK-47 rifle, mobile phone leh pawisa an chhar thu defece thupuangtu chuan a sawi bawk a ni.