Manipur-ah hel ten Assam Rilfe lambun

Manipur-a Kamjong District-ah Inrinni zing khan helhoin Assam Rifle sipai-te an lambun a, thi leh hliam an awm erawh hriat a ni lo.

Assam rifle thupuang­tu chuan an sipaite zingah thi leh hliam an awm loh thu a sawi a, an lambun tih an hriat velah hian ṭan­puitu tur pawh an thawn luh nghal thu a sawi.

Assam rifle te hian Major Jaganathan kaih­hruaina hnuaiah henglai thingtlang khuaah hian medical camp an buatsaih a, hel pawl te hian heng sipai camp buatsaih tute hi an lo lambun ta a ni.

Assam rifle thupuang­tu chuan bomb pathum tihpuah a nih thu leh motor ṭhenkhat chu a chhiat thu a sawi bawk.

Police te chuan thil awmdan an hriat velah inbeihna hmunah hian paramilitaty force te bakah Assam rifle te nen an tlan nghal thu an sawi a, mahse a hmun an va thlen hian helhoe hi an tlanchhiat hman thu an sawi.

Hel pawl te hian thingtlang khaw ṭhenkhat an bei zeuh zeuh a, hemi a nih avang hian Assam rifle te pawh Manipur - Myanmar border-ah hian duty in venhim hna hi khauh takin an kalpui a ni.