Shillong Runway zauhna thla 15 chhungin zo dawn

Airport Authority of India (AAI) chuan Meghalaya High Court hnenah thla 15 chhungin Shillong Airport Runway tih­zauh hna chu an zo dawn tih an tichiang a, mahse hnathawh nana thil hnawksak awm te state sorkar in a paih bo phawt a ngaih tur thu an sawi.

Meghalaya High Court Chief Justice Dinesh Maheshwari leh Judge S R Sen te kaihhruai division bench hnena Zirtawpni-a affifivit an file naah, AAI general manager chuan he thu hi sawiin state sorkar in airport runway zauhna daltu te an paih bo a nih chuan thla 15 chhungin hna an zawh hman tur thu a sawi a ni.

AAI counsel N Mozika chuan AAI te chu helai vel zirchiang tura hun tlem pe turin court hnenah a ngen nghal bawk.

Court chuan December 6-ah he case chungchanga hearing hi neih a nih dawn thu an tichiang tawh a ni.