Arunachal CM in Siang lui endik

Arunachal Pradesh Chief Minister Pema Khan­du chuan Inrinni khan Siang lui dinhmun a endik.

Siang lui hi fur zawh hnuah a dinhmun a ṭha lo in chirhdiak a tam hle a, hemi vang hian enfiah a ngai hle a ni. Siang hi Brahmaputra peng pawimawh tak niin Tibet chhim lamah luang lutin Assam a luan luh hnuah Brahmaputra hi a zuk pawh a ni.

Pema Khandu chuan he lui dinhmun hi a ngaihpawimawh thu sawiin, khawtual mite hnenah pawh report dik tak thehlut turin a chah a ni. Khandu chuan he lui dinhmun hi sorkar laipui hnenah a thlen dawn thu a sawi bawk.

Lui bula cheng thu­neitute chuan CM hnenah hian lui dinhmun hian ṭhat lam a pan loh thu sawiin kum dangah chuan tun ang hunah hi chuan lui tui hi a fim ṭhin thu an sawi a, tui pawh a kam a ni, an ti.

Union Minister hlui Ninong Ering chuan kar hmasa khan he lui chungchang hi Prime Minister Narendra Modi hnenah ziakin a thlen tawh a, lui dinhmun ṭhat loh chhanah hian China a puh a ni.