VP in Assam-ah rualbanlote tan scheme hawng

Vice President M Venkaiah Naidu chuan Pathianni khan Inter­national Day of Persons with Disabilities den­chhenin Rralbanlote puala scheme siam, Deen Dayal Divyangajan Sahajya Scheme chu Guwahati-ah a hawng.

Venkaiah Naidu chuan rualbanlote thliar hrang lo turin mipuite a chah nghal a ni.

Deen Dayal Divyan­gajan Sahajya Scheme hnuaiah hian state chhunga rualbanlo ten treatment an lak-ah Rs. 5,000 vawi khat tumsak an ni dawn a ni.

Naidu chuan mipuiten rualbanlo te kan en danah kan rilru kan thlak a ngai a ni, tiin dan siam ringawt ni lo in kan rilru put hmang zawk hi kan thlak a ngai a ni, a ti.

Vice President chuan Assam sorkar chu Pramam Act an kalpui avanga a fak thu a sawi. He Act hnuaiah hian sorkar hnathawk zawng zawng ten kum lama upa zawk leh rualbanlo te tan an hlawh aṭangin pawisa an thawh khawm ṭhin a ni. Naidu chuan thuneitute chu rualbanlo te puipunaa hmuna an kalve phalsak tura chah nghalin, hei hian en hran an nih bik loh zia a tilang dawn a ni, a ti bawk.

Naidu chuan state sorkar chu scheme hi ṭha taka kalpui a nih leh nih loh enfiah nghal zel turin a chah a, bank hnathawktute leh financial intitutions dang te pawh rualbanlo te tana awlsam zawka loan pek theih dan tur ngaihtuah turin a ti a ni.

Vice Prseident chuan demo­netisation hnuah bank hrang hrangin pawisa an ngah thu sawiin sorkar in rualbanlote tana scheme a siam te pawh a hlawkna a teltu tur dik takin an tel ngei em tih enfiah a ṭul thu a sawi bawk.

He scheme hawnnaah hian Assam Governor Jagadish Mukhi, Chief Minister Sarbana­da Sonowal leh Social Welfare Minister Naba Kumar Doley te pawh an tel a ni.

2011 inchhiarpuia a lan danin khawvel mipui awm zawng zawng zinga rualbanlo 15% awm zinga 2.21% chu India mi an ni.