Manipur : LED Village hmasa ber Kakmayai

Manipur Thoubal district a thingtlang khaw pakhat Kakmayai khua chu state chhunga tunlai technology thar, light-emi­tting diode (LED) village hmasa bera puan a ni.

Non-Governmental Orga­nisation (NGO) pawl pakhat Mangal Rural chuan Prime Minister Naren­dra Modi phalna ang leh thingtlang hmun kilkhawr zawk tih enna tura a campaign na bawhzuiin he khuaa light pangai awm ho chu LED bulb hian an thlakthleng sak vek a ni.

Kakmayai khaw mite chu LED bulb pahnih ṭheuh a thlawna pek an ni a, a dang an la duh belh a nih chuan an light hman sa te thlak nan a tlawm thei ang berin an leitir thung. LED TV pawh installment a pek tura lei an phalsak bawk.

He thingtlang khuaah hian chhungkaw 121 an awm a, heng zinga 90% chuan LED bulb leh LED TV an hmang tawh a ni. NGO te hian a la hmang lo zawng zawngte pawh hian LED bulb hi an hman vek theihna turin hma an la tih an sawi.

Street light power mamawh sang tak tak te pawh LED light hmang tura thlak vek an la nih dawn thu an sawi bawk.