Arunachal Chief Minister leh Jharkhand MLA te inkawm

Aruncahal Pradesh Chief Minister Pema Khandu leh Jharkhand Members of Legislative Assembly (MLA) mi pali te chuan Thawṭanni khan inkawmhona hun an nei.

Jharkhand team te hi Rajkishore Mahto, Jagannath Mahto Ram­kumar Pahan leh under secretary of Jharkhand Legislative Assembly Ramashish Yadav te an ni a, Rajkishore hi a kaihhruaitu ber a ni bawk. Meghalaya, West Bengal, Tripura, Assam leh Arunachal Pradesh tlawh turin Novemner 24 aṭang khan heng state inrelbawl dante zir chiang turin study tour an nei mek a ni.

Pema Khandu chuan heng MLA-te hi lo lawmin an thil hriat duhte a hrilh a ni. Khandu chuan Arunachal Pradesh chu hmarchhak state lian ber ni mah se mihring cheng erawh an tlemna ber hmun a nih thua sawi a, mi nuai 14 vel chauh an cheng tih a sawi.

Jharkhand team te chuan Arunachal-ah hian mi tlemte chauh awm mah se a ram leilung vangte, sik leh sa leh ram awmna hmun avangtein chona lian tak an hmachhawn thu an sawi.

Jharkha MLA-te chuan state chhunga hmsawnna hrang hrang avang leh hmathlir ṭha tak tak a neih avangin Pema Khandu chu an fak hle a, ramchhunga Chief Minister naupang berin state naupang tak Arunachal chu nasa takin hma a sawnpui tih, Rajkishore Mahto chuan a sawi.

An inkawmnaah hian MLA-te chuan Arunachal sorkar inrelbawl dan hrang hrangte zirchiangin CM pawh Jharkhand tlawh ngei turin an sawm bawk a ni.