Manipur bomb puak-ah hliam awm lo

Manipur-a Imphal west district-ah Thawhṭanni khan hel pawlten remote-control bomb an ti puak a, thi leh hliam erawh an awm lo.

Bomb puahna hmun tak hi Laingam thingtlang khuaah niin, Imphal west district huam chhunga mi a ni. Armed Forces (Special Power) Act, 1958 hman mek kum khat chhung atana pawhsei a nih thu puan a nih tuk lawkah bomb hi tih puah a ni. Poilce te chuan bomb puak hi a na hle niin an sawi.

Bomb puak chung changah hian eng pawl mahin an tih a nih thu an la sawi lo a, police te chuan a puah thu an hriat velah central force-te nen a hmunah an tlan nghal thu an sawi a, case hi Patsoi Police Station-ah ziah luh niin tumah an la man lo thung.

Chief Minister N. Biren Singh, Home Department incharge ni bawk chuan Manipur hmasawnna duh lotuten tharum an thawh thin thu a sawi.

Bomb puah hma lawk Inrinni khan People’s Liberation Army te chuan 31 Assam Rifles column Kamjong district a mi chu an bei bawk a, nunna chan erawh an awm lo a ni.

Kar kalta lawk pawh khan Imphal khawpui laili taka dawr pakhat chu helte hian an lo bomb tawh bawk a ni.