Brahmaputra/Siang lui bawlhhlawh chhan khuarel thil thleng a ni thei : Union Minister Meghwal

Union Minister of state for water resources Arjun Ram Meghwal chuan Brahmaputra/Siang lui bawlhhlawh chhan zirchianna aṭanga a alan danin Tibet-a tun hnaia lirnghin vanga bawlhhlawh a ni maithei tih Pathianni khan a sawi.

Siang lui hi Tibet chhim lam aṭanga rawn luang ṭan niin, Arunachal Pradesh-ah hian a rawn luang lut a, hemi hnu hian Assam-ah luang lutin Brahmaputra a fin leh a ni.

Arjun Ram Meghwal chuan lui a bawlhhlawh thu leh chirh diak a tam thu report an dawn thu sawiin, Central water Commission (CWC) chuan he thilthleng hi a chhuichian thu leh enfiah tur pawh a hmuah tirh a nih thu a sawi.

Meghwal chuanan zirchianna hmasaa a alan dan chuan November 17-a Tibet lirnghing vang khan lui luanna hi hmun ṭhenkhatah a inhnawh a, hemi avang hian lui luang zel chu a bawlhhlawh thu theih thu sawiin, lui rawng inthlak chhan pawh hemi vang hi a ni thei a ni, a ti.

Arunachal east bialtu Congress MP Ninong Ering chuan Siang lui bawlhhlawh vang hian Prime Minister Narendra Modi hnenah lehkha a thawn a, kum dangah chuan tun ang huanah hian hetianga lui a bawlhhlawh ngai loh thu a thlen a ni.

PM hnena a lehkha thawnah hian Siang lui bawlhhlawh chhanah hian China-in Yunnan province-ah lei km 600 zeta thui a verh vang niin a ziak a, Xinjiang province kaltlangin Siang lui Taklamakan thlaler lamah a kuang sawn an tum niin a ziak bawk. Mahse China chuan hei hi a pha thung.

China hian pha mah se Ering chuan Tsangpo (Siang/Brahma­putra) lui kuang sawn tum a nih thu hi a ziak lang chiang hle a, hemi a nih avang hian India tan chuan ngaihpawimawh ngei ngei tur a nih thu a sawi uar hle.