Tripura-ah hri kai pali thih belh
Tripura-ah Thawhlehni khan Covid-19 kai pali an thih belh leh a, anni nen hian an state-a coronavirus vanga thi hi mi 21 an awm tawh a ni. Hripui vanga thi palite hi Agartala Government Medical College-a enkawl lai vek an ni. Tripura-ah hian darkar 72 chhungin hri vanga thi hi mi 10 an awm hman.
Thawhlehni vek khan hri kai hmuh thar mi 222 an awm leh bawk a, hri kai hmuh chhuah tawh hi mi 4,287 ni tawhin, an zinga 2,621 chu enkawl dam an ni tawh a, enkawl mek 1,627 an awm. State pumah containment zone 166 a la awm mek bawk a ni. Agartala civil secretariat-a cabinet meeting chuan lockdown pawtsei a ngaih leh ngaih loh chung changte an ngaihtuah. Law minister Ratan Lal Nath chuan medical expert-te chuan lockdown pawtsei turin sorkar chu thurawn an pe tih a sawi a, mahse thutlukna an la siam thei lo tih a sawi.