AP-in mega food park siam dawn

Arunachal Pradesh deputy chief minister Chowna Mein chuan Itanagar-ah mega food park siam tum a nih thu a sawi. Thawhlehnia video conference hmanga meeting neihah deputy CM chuan he thu hi a sawi a, state chhunga an thar chhuahte lei uar a nih theihna tura ruahmanna siam a ṭul thu pawh a sawilang. 

State sorkar chuan mega food park siamna turah a kalpawhna tur kawngpui ṭha siam te, eletricitiy leh tui supply te a lo tumsak dawn tih a sawi bawk. Meeting-a tel officer-te hnenah pawh state dang sorkar policy siamte zirchiang tur te, AP-a industry tam zawk hip lut an nih theih dan turte ngaihtuah turin a ti. 

Mein chuan East Siang district-a pineapple processing unit leh, West Kameng district-a tomato processing unit siamte a hlawhchhamna chhan chu zirchiang turin a hrilh nghal bawk a ni.