ENPO hruaitute leh Amit Shah inkawm

Eastern Nagaland Peoples’ Organization (ENPO) chuan Nagaland aṭanga state hran, 'Frontier Nagaland' din an phut chungchang chu Thawhlehni khan union home minister Amit Shah an sawipui.

New Delhi-a Amit Shah an hmuhnaah hian ENPO palai, mi 11-te hi Rajya Sabha MP Phang-non Konyak chuan a ho a ni.

Meeting-ah hian ministry of home affairs (MHA) secretary, MHA (NE) additional secretary, Intel-ligence Bureau (IB) director-te an tel. Meeting hi minute 45 vel a nei.

Amit Shah chuan Nagaland khawchhak lam bialte harsatna neihte, state hran an phut chung-changte chu a hriatthiampui thu sawiin, nakkum January thlaknaah Eastern Nagaland chu tlawh a lo tiam a ni.

Meeting zawhah ENPO-in thuchhuah an siamah, Home Minister hoin inbiakna ṭha tak an neih thu leh, Frontier Nagaland an phut chungchangah Eastern Nagaland mipuite leh Nagaland sorkar pawh an biak tur thu an sawi. Amit Shah-a'n a tlawh hun tur pawh an nghahhlelh thu an sawi.

Hmasawnna hna thawhna kawnga Nagaland khawchhak lam bialte ngaihthah an nih leh, state hran an phut chungchanga sorkar laipuiin a ngaihven loh avanga lungawi lohna lantir nan, ENPO hnuaia tribe pasarihte chu Nagaland-a Hornbill Festival hman mekah pawh an tel lo a ni.