Jantar Mantar-ah 'Greater Tipraland State' phutna lantir

Tripura tribal-based party, Tipraha Indigenous Progressive Regional Alliance (TIPRA) chuan Thawhlehni leh nimin khan Delhi-a Jantar Mantar-ah Tripura Tribal Areas Autonomous District Council (TTADC) chu Greater Tipraland State-a hlankai phutin sit-in demonstration an nei.

TIPRA chuan prime minister Narendra Modi hnenah an thil phut chungchangah memorandum an thehlut bawk a ni.

Tripura mipui hmun thuma ṭhena hmun khat hi tribal an ni a, TIPRA party hotu lu ber hi Tripura lal thlah, Pradyot Bikram Manikya Deb Barman a ni. TTADC-ah TIPRA hian thuneihna an chang mek a, nikum aṭang khan ‘Greater Tipraland’ din phutin an kalpui thar leh a ni.