Meghalaya Medical College Hmasa ber tur lungphum phum

Chief Minister Mukul Sangma chuan Nilaini khan Meghalaya-a me­dical college hmasa ber tur lungphum phumna hun Shillong-ah a hmang.

Khum 500 awmna tur, damdawiin leh medical college ni kawp bawk tur hi public-private-partner­ship (PPP) hnuaiah Kol­kata-a KPC group ten an sa dawn a, a sak nan hian cheng vaibelchhe 350 - 400 inkar ruahman a ni.

Mukul Sangma chuan PPP hnuaia project kalpui leh college sak chu chona lian tak a nih thu a sawi a, PPP model concept chu mi tam tak tan chuan thil thar a nih thu a sawi. Sangma chuan sorkar in PPP hnuaiah programme hrang hrang hlawhtling takin a lo kalpui tawh thu a sawi bawk.

Sangma chuan Shi­llong leh Tura-a Medical College din a nih theih chuan state chhunga damdawi thiam tlem lutuk pawhin hma a sawn ngei dawn thu a sawi bawk a, mipuite pawhin hriselna lamah hma an sawn ngei dawn a ni, a ti.

CM chuan Medical college din a nih hunah chuan mipuite pawh inenkawl turin Delhi, Vellore emaw Chennai vel­ah an kal a ngai tawh dawn lo a ni, a ti bawk.

Mukul Sangma chuan doctor leh nurse te chu an thiamna lama hmasawn zel turin a chah bawk a ni.