Garo Hills-ah GNLA mi 2 inpe

Garo helpawl, Garo National Liberation Army (GNLA) mi pawimawh tak pahnih chu Meghalaya police te chuan Pathianni khan South Garo Hills-ah an man tih an sawi. Heng an mi man pahnihte hi GNLA Commander-in-Chief Sohan D. Shira bula thawk te an ni.

An mi man te hi Mahat Sangma (22) leh Abat Momin (22) te an nih thu police te chuan an sawi.

GNLA mi an mante hi Shira hoa camp siam an ni a, November 16-a police-ten India - Bangladesh border depa awm Halwa Atong thingtlang khua an dap ṭum khan an tlanchhia a, Shira te nen hian an in hloh a ni.

South Garo Hills Superin­tendent of Police Abraham Sagma chuan an mi man tak te zawnga thingtlang khua hi an dap thu sawiin, hemi ṭum hian an tlanchhiat hman thu a sawi a, civil mi an awm avangin silai an hmet puak ngam lo niin a sawi bawk.

An mi zawn te hi um zuiin ni li lai zawng mah se an hmu zo lo tih sawiin Sangma chuan, GNLA mi te hian Halwa Atong khua aṭanga km 60-a hla Gittimggre an thleng hman a ni, a ti. Hemi hmuna kohhran hruaitute chuan police te kuta inpe tur hian an lo hmin niin a sawi.

Police SP chuan kohhran hruaitute hian an phone thu leh Thawhṭanni khan Baghmara-ah an hruai thu a sawi bawk.

An mi man te kut aṭang hian ralthuam engmah man tur a awm lo a, Garo Hills vela Shira chet lak tum dan zawtin an dawp mek thu police thuchhuah chuan a tarlang bawk a ni.