Hmarchhak hnam tihdanphung khawpui miten an ngaihsak lo : Aruanachal CM

Arunachal Pradesh Chief Minister Pema Khandu chuan Hornbill Festival ni nga na, Thawhlehnia thu a sawi naah India ram khawpui lian zawka cheng ten hmarchhaka hnam tihdan phung hrang hrang ropui tak tak awm te chu an ngaihsak lo hle niin a sawi.

Pema Khandu chuan India khawpui lian tak taka cheng te chuan hmarchhak mite chu culture pakhat chauh neia an ngaih ṭhin thu sawiin, hmar­chhak chu kum tam tak chhung hnualsuat leh ngaihsak loh a ni ṭhin a, mahse tunah chuan a ni tawh lo a ni, a ti.

He thu a sawinaah hian Manipur leh Nagaland Chief Minister N Biren Singh leh TR Zeliang te pawh an tel a ni. Khandu chuan hmarchhak mite tana investment meet neih ngun a ṭulzia sawiin, Arunachal pawhin investment meerting an neih thuai dawn thu a sawi.

Arunachal leh Nagaland chuan thil tihdan phung inang tam tak an neih thu sawiin Khandu chuan hornbill chu state pahnihte culture-ah sava pawimawh tak a nih thu a sawi bawk. Arunachal CM chuan Hornbill Festival chu Nagaland hmel lanna mai ni lo, hmarchhak pum hmel lanna a nih thu a sawi a ni.

Nagaland CM TR Zeliang pawhin a ṭhenawm state pahnih CM te chu lo lawmin Act EAst policy hmanga hmasawnna hmarchhak state ten an neih dawn thu a sawi.