Eastern Army Commander-in Manipur a tlawh

Eastern Army Comman­­der Lieute­nanat Gene­ral Abhay Krishna, UYSM, AVSM, SM, VSM chuan Ninagni leh Zirtawpni khan Manipur tlawhin venhimna kalpui dan leh an inral rin dan a endik.

Army Commander hi India eastern border leh hmarchhaka ven­himna ṭhat leh ṭhat loh chungchanga mawh­phurtu a ni. Army Commander hi Lieutenant General Anil Chauhan, AVSM, SM, VSM, General Officer Commanding 3 Corps-in a ṭawiawm bawk.

Manipur Assam Rifles Head Major General Viren­dra Singh chuan Manipur state chhunga venhimna kalpui dan te a hlihfiah a, tun hnaia Manipur chhunga inbeihna hrang hrang thlenga venhimna an kalpui dante chu enfiahin Security Force te hnathawh chu a fak hle a ni. Remna leh muanna a awm theih nana sipaite hna­thawh chu fakin lawm­awm a tih thu a sawi bawk.

Army Commander te hian Manipur Governor Dr Najama Heptulla pawh an hmu bawk. General Krishna chuan Manipur mipuite chu Sangai Festival hlawhtling taka an kalpui theih avangin a lawmpui thu a sawi. Governor nen an inkawmnaah hian state chhunga venhimna kalpui dan chungchang sawilan a ni a, state sorkar leh securuty forcete thawdun dan chungchang pawh sawiho a ni bawk.

Army Commander ṭawiawmtu General Chau­han chuan state chhunga muanna a awm theih nan a security force te hnawthawh chu a fak hle a, Indian Army leh Assam Rifles te chuan naupang, ṭhalai leh hmeichhe chawi­sanna kawnga hna an thawh ṭhat thu a sawi bawk.