Tripura Congress hruaitu hlui 6-in TMC an zawm

Tripura Congress party hruaitu hlui parukte chuan Trinamool Congress (TMC) an zawm a, an zingah hian party president hlui Pijush Kanti Biswas pawh a tel.

Congress hruaitu hluite hi Nilaini khan New Delhi-ah TMC party office-ah lawmluh an ni a, he hunah hian TMC hruaitu lu ber leh West Bengal chief minister Mamata Banerjee leh TMC national general secretary Abhishek Banerjee-te pawh an awm a ni.

Pijush Kanti Biswan hi Tripura TMC president thar atan ruat a ni nghal dawn nia sawi a ni. TMC hian August 24 khan Tripura-a an party president Subal Bhowmik chu assembly by-election leh urban local body inthlana an party a chet ṭhatpui zawh loh avangin an lo ban tawh a ni.

Member 60 awmna, Tripura state assembly inthlan hi nakkum kumtir lamah neih a ni ang.