Ragging vangin Silchar dental college zirlai 14 hostel aṭangin hnawtchhuak

Assam-a Government Dental College, Silchar-a zirlai 14 chu an zirlaipui tihduhdah, ragging avangin hostel aṭangin hnawhchhuah an ni.

He college-a first-year zirlaite chuan senoir student-te lakah complaint an thehlut a, hemi hnu hian zirlai lut tharte tihduhdah ṭhintua puhte hi hnawhchhuah an ni tih official-te chuan an sawi.

Zirlaiten complaint an theluhah, senior zirlaiten an tihduhdah ṭhin avang hian taksa lam natna bakah an rilru lam thlengin a nghawng a, an zirna lamah pawh an tihchhiat phah niin an sawi. College principal, Manjula Das chuan an institution-a anti-ragging committee-ah thlenin, committee bakah district thuneitute chuan a hran ve vein thil awmdan hi an chhui chiang a, hemi hnu hian senoir zirlaite hi an dik lo ngei a ni tih hmuhchhuah a nih thu a sawi a ni. Zirlai 14-te chu hostel aṭangin hnawhchhuah an ni a, mahse college-ah an zirna chhunzawm erawh phalsak an ni thung.