Meghalaya : Government-aided college-a thawkten inthlan chuh thei dawn

Nakkum kumtir lama state assembly inthlan neihna tur, Meghalaya state-ah chuan government-aided college-a zirtirtute chuan an duh chuan inthlan an chuh ve thei tawh dawn.

Kum 2018-a Meghalaya sorkarin goverment-aided college-a thawkte inthlana chuh leh, political party-a nihna an neih khapna a siam chu Meghalaya High Court chuan a tihtawp sak a ni.

National People's Party (NPP) kaihhruai Meghalaya Democratic Alliance (MDA) sorkar chuan kum 2018 khan thupek tichhuakin, school leh college-te chu politics lamah an fihlim tur a ni tiin, zirtirtute chu politics lama an inhnamhnawih a khap. Mahse Meghalaya High Court chuan hemi chungchanga petition thehluh chu ngaihtuahin, goverment-aided college-a thawkte chu politics an khelh leh, inthlana an chuh pawh a remtihsak.