Manipur kawngpui tihchangtlun a ni dawn : Nitin Gadkari

Union Minister for Road, Transport, High­ways, Shipping and Water Resources Nitin Gad­kari chuan ni hnih awh “New Technology for Road Construction” national conference chu kar kalta Zirtawpni khan Lucknow-ah hawngin state zawng zawnga Works Minister an tel a ni.

He hunah hian Mani­pur PWD Minister Tho­ngam Biswajit Singh pawh a tel a ni.

Conference hawnnaa thu a sawiah, Nitin Gad­kari chuanManipur kal­pawhna hrang hrang tih­changtlun a nih tur thu a sawi a, tui hmanga inkalpawhna pawh tihhmasawn a nih tur thu a sawi. Heng in­kalpawhna tihchangtlun nan hian technology thar leh rintlak ber berte hman a nih dawn thu sawiin, kawngpui siamṭhat hna pawh ṭan vat a nih dawn thu a sawi bawk.

Union Minister chuan state chhunga kawngpui siamṭhat leh kawngpui thar siam chuan economic lama hmasawnna a thlen dawn mai piah lamah thingtlang khaw hrang hrang te pawh awlsam takin an inkalpawh thei tawh dawn a, chu chuan inpumkhatna a thlen dawn a ni, a ti.

Manipur tlawh tura official an tirh thuai dawn thu sawiin, Union Mininster chuan state sinking zone te an enfiah nghal tur thu a sawi. Minister chuan Manipur chu ramchhunga state hmasawn ber zinga siam an tum tih a sawi.

Conference-ah hian Union Minister chuan Manipur PWD Minis­ter hnenah National Highway tana cement concrete plants dinna tur lo enfiah lailawk turin a ti bawk a ni.