Arunachal-ah RBI office din dawn

Arunachal Pradesh Chief Minister Pema Khandu leh Reserve Bank of India (RBI) Executive Director Surekha Marandi chu Itanagar-ah an inkawm a, RBI Office din thuai a nih dawn tih RBI Executive Director chuan a sawi.

Surekha Marandi-i hi RBI Executive director a nih hma hian consumer education and protection department, financial inclusion leh development department-ah te a hotu a lo ni tawh bawk a ni.

Marandi-i hian Chief Minister hnenah RBI chuan Arunachal-a office hawn an duh thu a hrilh a, an duhthusam chuan state capital Itanagar-ah ngei office hi hawn an duh niin a sawi. Marandi-i chuan thla thum aṭanga thla ruk vel hnuah chuan Arunahcal Pradesh in RBI Office a neih ve tawh dawn thu a sawi.

Pema Khandu chuan RBI thutlukna siam chu lawmawm a tih thu a sawi a, state sorkarin theihtawpa puih an inhuam thu a hrilh. Khandu chuan tun dinhhmunah chuan sum leh pai chungchangah RBI office Guwahati ami an dawr ṭhin a ngaih thu sawiin, an state-ah ngei RBI office din a nih chuan thiltih a awlsam sawt dawn thu a sawi bawk a ni.