Assam-ah ruihhlo Rs vbc 7 hu an man

Assam police-te chuan Ningani zan khan Karbi Anglong district-ah ruihhlo, cheng vaibelchhe 7 man hu chu truck pahnih aṭangin an man.

Police officer chuan heng ruihhlote hi zan rei hnuah Assam-Nagaland border bul, Khatkhati area-ah man a nih thu sawiin, an ruihhlo mante chu Yaba table 30,000 leh sahbawn bawm 55-a thuhruk heroin gm 757.15 a nih thu a sawi. Ruihhlo an manna truck pakhat hi Nagaland registration number niin, pakhat zawh hi Manipur number a ni tih a sawi bawk. Ruihhlo neitua puh mi pathum an man tel bawk a ni.