PM-in sakhaw hruaitute kawm dawn

Prime Minister Narendra Modi chuan December 16-a Meghalaya a tlawh hunah Upper Shillong helipad-ah Delhi a pan leh hma in sakhaw hruaitute inkawmna hun a neihpui dawn niin official thuchhuah chuan a tarlang.

State BJP President Shibun Lyngdoh chuan Pathianni khan thuchhuah siamin, sakhaw hruaitu zawng zawng hnenah sawmna pawh thawnchhuah a nih dawn thu a sawi.

Lyngdoh chuan PM hian Mizoram aṭangin chawhnu dar 1-ah Upper Shillong a thlen dawn thu a sawi a, hemi hnu hian State Convention Centre-ah Shillong-Nongstoin-Tura kawngpui siamna tur central project hlanna a nei ang.

PM hian Bivar Road-ah BJP office hawnna hun a hmang leh ang a, office hawnna a neih zawhah hian Polo Ground-ah darkar khat thu a sawi leh dawn a ni.

Hemi zawhah hian Upper Shi­llong helipad aṭangin Guwa­hati kal­tlangin Delhi a pan leh dawn a ni.