Assam : Sakei enkawl leh enfiah danah workshop nei
Assam-a Manas Tiger Reserve leh Aaranyak conservation division
ṭangkawp chuan ni hnih awh tur sakei enkawl dan leh enfiah dan chung chang zir hona workshop an buatsaih. He hunah hian park chhunga camera trapping leh Global Positioning System (GPS) hman dan te an zir ho a ni.
He hunah hian forest staff 25, mi thlan bik ṭhenkhat leh helama tui mi mai bakah nungcha humhalh duh pawl mi ṭhenkhat an tel bawk.
He workshop hi All India Tiger Monitoring neih tur atana pawimawh niin inbuatsaihna lailawk a nih bawk thu official te chuan an sawi.
Manas Tiger Reserve hian Annual Tiger Monitoring an nei ṭep tawh a, tun thla chhung ngeia neih tur a nih thu official te chuan an sawi bawk. Kumin kumtir lama enfiahna an neiha Tiger reserve-ah hian sakei 30 leh a note paruk an awm a ni.