Assam sorkarin State police ṭha ber pawl siam dawn : CM

Assam Chief Minister Sarbanada Sonowal chuan Thawhlehni khan thuchhuah siamin, Assam sorkar in an state police te chu ramchhunga police ṭha ber zinga mi ni tura chher a tum thu a sawi.

Assam Police Service probationer ten passing out parade, Dergaon-a a an neihnaah thu sawiin Chief Minister chuan, APS te chu an hna rinawm tak leh dik taka thawk tura fuihin mipui ten police te laka rinna tak tak an nghah ngam theih nana hna thawk turin a ti a ni. Sonowal chuan ramchhunga police ṭha ber pawl ni turin hma kan la dawn a ni, a ti.

Sarbanada Sonowal chuan training chhunga an thil hriat te chu ṭangkai thei ang bera hmang turin a chah bawk a, an tihturah te inpekna, inthunnuna leh hun vawng dik turin a chah bawk.

Chief Minister chuan National Police Aca­demy, Hyderabad chuan Dergaon-ah Police Aca­demy an din ve dawn thu a sawi bawk a ni.

Sonowal hian state sorkarin corrpution dona kawnga hma a lak dan bakah hel leh dan loa state chhunga lut ru te laka hma a lak te a sawi tel bawk.