Nagaland CM in a cabinet minister 4 ban

Nagaland Chief Minister TR Zeliang chuan Nilaini khan a senior cabinet minister pali a ban a, hei hi Naga People's Front (NPF) pawl kehdarh tawh inzawm leh hnua hma­lakna hmasa a ni.

Minister a ban te hi Home Minister Y. Patton, Parliamentary Affairs Minister Tokheho Yepthomi, Roads and Bridges Minister Nicky Kire besides Environment leh Forest and Climate Change Minister Neiba Kronu te an nih thu official thuchhuah chuan a tarlang.

NPF official thu­chhuah in a tarlan dan­in, minister pali ban an nih chhan hi kar liamta Zirtawpnia pawl kehdarh inzawm leh nana "memorandum of reconcilation" an ziah bawhzuina a ni a, Shur­hozelie Liezietsu-an ministry a dinhmun ṭha a luah leh theih nana tih a ni.

"Memorandum of reconcilation" hi De­cember 8 khan Liezietsu leh Zeliang ten an ziak a, pawl pahnih aṭang hian legislator pathum ve ve an tel bawk.

Zeliang chuan NPF te inzawm lehna chuan Nagaland politics-ah boruak muanawm zawk a thlen dawn niin a sawi. Chief Minister chuan Liezietsu nena an inrem leh theih nan hian legislator 28 velin an hmuh thu a sawi.