Meghalaya sorkarin TMC hruaitu Gokhale lakah defamation case thehlut

Meghalaya sorkar chuan Trinamool Congress (TMC) thupuangtu Saket Gokhale-a'n state sorkar tourism firm-in cheng vaibelchhe 630 chuang a tichingpen nia a sawi chungchangah defamation case a thehlut.

Gokhale chu midangte pawisawi ching nia sawiin, a hma pawhin dik lo takin sorkar official leh mi pawimawh dangte pawh a lo puh fo tawh a ni, a ti.

Planning Department chuan Meghalayan Age Limited (MAL) chuan Gokhale print leh electronic media lamah dik lo taka puh a, tihhmingchhiat tuma puhin a lakah defamation case hi a thehlut tih a sawi. TMC hruaituin dik lo taka a puhna avang hian Planning Department hnuaia MAL hmalak zelna tur pawh a nghawng thei dawn a, pawl dang a thawhpuina thlengin a tibuai thei dawn a ni, tiin thuchhuahah an tarlang.

MAL hian Meghalaya-a ecotourism hub siamna tur te, kawng siam leh cheiṭhatna tur, ropeway leh lei siam a, khualzinte thlenna tur hmun siamna tur Rs vbc 824 man Meghalaya Ecotourism Infrastructure Development Project a thawk a ni.

Gokhale hian December 4 khan thuchhuah siamin, MAL hian project a thawhnaah hian cheng vaibelchhe 630 chuang tichingpenah a puh a ni.