PWD Engineer Rtd leh bank Manager man

Assam Chief Minister Vigilance Cell te chuan Ni­nga­ni khan PWD (Roads) Department Addi­tional Chief Engi­neer retired leh Bank manager an man.

Vigilance Cell te chuan PWD Engineer rtd. Biswanath Bhattacharya an man chhanah hian a pension hma in Dibrugarh PWD (Roads) Division Tengakhat Rural Roads sub-division-ah pawisa lem cheng nuai 60 an hman vang a nih thu official thuchhuah chuan a sawi.

Bhattacharya an manna case-ah hian midang pasarih pawh an man tawh thu official te chuan an sawi a, heng an man zingah hian execu­tive engineer, engineer, junior engineer leh contractor te pawh an tel a ni.

Chief Minister Vi­gilance Cell te hian an thudawn bawhzuiin an chhuizui a, Bhattacharya hi a inhnamhnawih ve a ni tih hmuchhuak in an man ta a ni.

Vigilance Cell hian Bank of Baroda, Haila­kandi Branch Manager Guatam Das pawh Guwa­hati-ah an man a, Kisan Credit Card scam kaih­hnawiha cheng vaibelchhe 1.39 khawih chingpena puh a nih vanga man a ni thung.

Official thuchhuah chuan Das hi Kisan Credit card scam vanga buaina chhuah lai, kum 2011-2015 chhung khan Bank of Baroda Hailakandi Branch-ah manager a ni tih an tarlang.