RSS hotu ni nga cham turin Tripura-ah zin

Rashtriya Swayamsevak Sangh (RSS) Chief Mohan Bhagawat chuan nimin khan Tripura thlengin ni nga chhung a cham dawn a ni. Tripura-a a cham chhung hian RSS in hmarchhaka chak zawka hma an lak dan tur ngaihtuah dawn a ni.

RSS thuchhuah in a tarlan danin Bhagawat hian hmarchhak hmun hrang hranga hruaitu awm te a kawm ang. Nimin aṭang khan an pawl in Uttarpurba Kshetra-a a hnathawh dan a enfiah nghal niin an sawi a, Pathianni hian vantlang hmaah thu a sawi dawn bawk a ni.

RSS thupuangtu Manoranjan Pra­dhan chuan hmarchhak pumpui hi Pranta palia ṭhen a nih thu a sawi a, Manipur, Aru­nachal Pradesh, Uttar Assam leh Dakshin Assam-ah ṭhen niin Tripura, Mizo­ram leh Barak Valley te chu Dakshin Assam Pantra hnuaia awm an nih thu a sawi.

Pradhan chuan hmarchhaka an pawl hnathawk dan enfiahnaah hian Pantra pali aṭanga hruaitute an tel vek dawn thu a sawi a, chak zawka RSS kalpui a nih dan turte an sawiho dawn thu a sawi bawk.

RSS Chief hian December 19-ah Tripura hi a chhuahsan dawn a, kumthara inthlan neih turah Tripura a tlawh hian awmzia a nei thui dawn niin official te chuan an sawi a ni. Tripura-a sorkarna chang mek CPI-M te paihthlak an nih theih nan RSS te leh BJP te hian hma nasa takin an la a ni.