Tripura-ah BJP worker ruang chhar

Tripura-a North Tri­pura District chhunga Kanchanpur sub­division-a Srirampur-ah Inriini khan Bharata Janata Party (BJP) worker pakhat ruang tuihawk luankawrah chhar a nih thu police te chuan an sawi. Sirampur hi Tripura Capital Agartala aṭanga km 190-a hla a ni.

Ruang hi endik a nih hnuah Sunil Deb (45) a ni thu police te chuan an sawi a, a khup hnuai lamah zaina hnuhma a awm thu an sawi bawk. Ruang hi postmortem tura thawn nghal a nih thu S P (Police Control), Har Kumar Debbarma chuan a sawi. BJP thupuangtu Mrinal Kanti Deb chuan thilthleng chu a dem thu a sawi nghal a, Kerala-a RSS leh BJP worker te thah an nih ṭhin dan nen pawh a inang deuh niin a sawi bawk.