Nagaland-in Cabinet minister paruk nei thar

Nagaland Chief Minister TR Zeliang chuan Inrinni khan a cabianet minsiter atan mi paruk a lalut thar.

Governor PB Acharya chuan heng mi parukte hi Naga People’s Front (NPF) rinawmna thu tiam tirin a lalut a ni. Minister lakluh inkhawm hi Kohima-a Raj Bhawan-ah neih niin, minister atan hian - P. Longon, C.L. John, Vikheho Swu, S.I. Jamir and Kuzholuzo Nienu leh Bharatiya Janta Party mi leh sa P. Paiwang te chu lakluh an ni. December 8 khan rorel lai NPF party-a Zelinga leh Lietzietsu thlawptute chuan inremna an siam a, cabinet minister ṭhnenkhat chu ban zui an ni.

Cabinet minister aṭanga bante hi Home Minister Y. Patton, Parlia­mentary Affairs Minister Tokheho Yepthomi, Roads and Bridges Minister Nicky Kire, Environment and Forest Minister Neiba Kronu, Rural Development Minister E.E. Pangteang leh Geology and Mining Minister Mmhonlumo Kikon (BJP) te an ni. Chief Minister chuan legislator 28 laiin Lietzietsu pawlte nena inrem leh tura thurawn an pek thu a sawi. NPF pawl pahnihte hian party symbol "Arpa" chu an inchuh a, kumthara inthlan a awm dawn avangin Election Commission-in pawl pahnihte hi an dinhmun tichiang tura a lo tih bawhzuiin pawl pahnihte hian inremna thuthlung ziakin an inzawm khawm leh a ni.