Tripura TMC president atan Pijush Kanti Biswas ruat

Tripura Congress president hlui, kar liam taa Trinamool Congress (TMC) zawmtu Pijush Kanti Biswas chu Pathianni khan Tripura TMC president thar atan ruat a ni.

Pijush Kanti Biswas hi nikum August thla khan Tripura Congress president a nihna aṭangin a bang a, kumin December 7 khan TMC a zawm. Delhi-a TMC office-ah West Bengal chief minister Mamata Banerjee leh national general secretary Abhishek Banerjee-te awm laiin lawmluh a ni.

TMC president atana ruat a nih hnuah, Biswas chuan nakkum Tripura assembly inthlanah pawh an chuh ngei dawn tih sawiin, Tripura-a BJP kaihhruai sorkar paihthlak tumin theihtawp an chhuah dawn tih a sawi. Mamata Banerjee leh Abhishek Banerjee-te pawh inthlan lo awm tur atana an party hma lak dan turte a sawipui bawk.