Sorkarin CAA hman a tum chuan a dodalna ka tharthawh leh ang : Akhil Gogoi

Assam MLA, Raijor Dal hruaitu ni bawk Akhil Gogoi chuan sorkarin Citizenship (Amendment) Act (CAA) hman a tum chuan duh lohna lantir a, CAA dodalna tharthawh leh turin a inpeih reng tih a sawi.

Akhil Gogoi chuan CAA chu Assam society tana thil hlauhawm tak a ni tiin, a dodal zel dawn tih a sawi. "CAA dodalna avangin KMSS pawh dan pawna hnawl a ni hman ṭep a, kei ngei pawh man ka ni bawk," tiin jail-a a tan chhungin hruaitu inti ṭhenkhatin nawrh huaihawt hi an lo kaihruai a, an kalpui dan a felfai tawk loh avangin an hlawh-chhampui a ni, a ti.

Nawrh huai-hawtnaa hruaitute nen Assam mipuiten an ngai pawimawh hle tih an hriat khan an hlau ta zawk niin Gogoi chuan a sawi a, hma hruaitute khan sorkar chu bang tura na zawka nawr a, CAA chu sut tir ngei tura an tih a ngai a, mahse hei hi an titlang ngam lo niin a sawi.

CAA chu a dodal reng a, a duh lohzia lantirna hun remchang a nghak leh mek tih Gogoi chuan a sawi.