IIM Shillong leh Clark University-in MoU ziak

IIM Shillong leh Clark University, USA chuan Thawhṭanni khan student exchange programme siam turin memorandum of understanding (MoU) an ziak. MoU hian academic research, faculty leh professional staff member lama thawhdunna tur pawh a huam tel ang.

MoU ziak tur hian Clark Univeristy-a school of management professor Dr Alan Eisner leh Clark Univeristy-a graduate admissions counsellor Jayantanuj Das-ten IIM Shillong hi an tlawh a ni.

Prof DP Goyal chuan IIM Shillong leh Clark Univeristy-ten thawhdunna tur an siam hmang hian, IIM Shillong zirlaite tan international research tih theihna remchangte siamin, international job placement thlengin an hmuh theih phah dawn a ni, a ti. Khawvel huapa institution chawilarna atan te, zirlaite ngaihtuahna sang zawk siamna atante bakah, IIM Shillong pass chhuakte chhawr turin foreign company tam zawk hip luhna kawngah a pui dawn tih a sawi.